ಗ್ರಂಥಾಲಯ ಆನಿ ಚೆರ್ಡುಂವಾಲೆ ಸಾಹಿತ್ಯ ಕ್ಷೇತ್ರಾಚೆ ನಿಷ್ಣಾತೆ ಅಶಿಂ ನಂವ ಪಾವಿಲಿಂ ಬೆಂಗಳೂರಚೆ ಡಾ|ಪದ್ಮಾ ಬಾಳಿಗಾ (56) ವರಸ ಹಾನ್ನಿ 12-05-2021 ತಾರ್ಕೆರ ನಿಧನ ಪಾವಲಿಂತಿ. ಹಾನ್ನಿ ಮಂಗಳೂರಚೆ ಸಿವಿಲ್ ಇಂಜಿನಿಯರ್ ದೆವಾಧೀನ ಶ್ರೀ ಸಿ. ವಿ. ಕಾಮತ್ ಹಾಂಗೆಲೆ ದೊನ್ನಿಚೆ ಧುವ. ತಾನ್ನಿ ಬಾಮುಣು ಆನಿ ಏಕ ಪೂತ ಆನಿ ಮಸ್ತ ವಿದ್ಯಾರ್ಥಿಂಕ ಆನಿ ಮಿತ್ರಾಂಕ ಸೋಣು ಗೆಲೆಂಚಿ.
ಪದ್ಮಾ ಬಾಳಿಗಾನ ಮಂಗಳೂರು ವಿಶ್ವವಿದ್ಯಾನಿಲಯಚೆ ಇಂಗ್ಲಿಷ್ ಎಮ್.ಎ. ಂತ (1985 – 1987) ಪಯಲೆಂ ಸ್ಥಾನ ಘೆತಲ್ಯಾಂ. ಆನಿ ಸೈಂಟ್ ಎಲೋಶಿಯಸ್ ಕಾಲೇಜಾಂತ ಇಂಗ್ಲಿಷ್ ಉಪನ್ಯಾಸಕಿ ಜಾವನ ಕಾರ್ಯನಿರ್ವಹಣ ಕೆಲಾಂ. 2013 ಗಾಂಧಿಗ್ರಾಮ ರೂರಲ್ ಯುನಿವರ್ಸಿಟಿ ಡಿಂಡಿಗಲ್ ತಾಕುನ ಪಿ.ಎಚ್.ಡಿ ಕೆಲಾಂ. ಹಾನ್ನಿ ಭಾರತೀಯ ಲೇಖಕಿಯರು ಮಕ್ಕಳ ಕಾದಂಬರಿಯ ಕುರಿತಾದ ಸ್ತ್ರೀವಾದಿ ಅಧ್ಯಯನ ವಿಷಯಾಂತುಯ ಪಿ.ಎಚ್.ಡಿ ಕೆಲಾಂ. ಆನಿ ದೇಶ ವಿದೇಶಾಚೆ ವಿಚಾರ ಸಂಕಿರಣಾಂತ ಮಸ್ತ ಸಂಶೋಧನಾ ಪ್ರಬಂಧ ಮಂಡನ ಕೆಲಾಂ.
‘ವಿಶ್ವ ಕೊಂಕಣಿ ಕೇಂದ್ರ’ಚೆ ಸಂಶೋಧನಾ ಯೋಜನಾ A Survey and critical reading of Konkani Childrens fiction in three script (2017-2019) ಕಾರ್ಯಾಂತ ಭಾಗ ಘೆವನ ಖೂಬ ವಾವರ ಕೆಲಾಂ. ಹಾಂಗೆಲೆ ಕಾರ್ಯ ಕ್ಷೇತ್ರ ಚೆರ್ಡುಂವಾಲೆ ಸಾಹಿತ್ಯ ಆನಿ ಗ್ರಂಥಾಲಯ ಜಾವನ ಆಶಿಲೆಂ.
ಹಾಂಗೆಲೆ ನಿಧನ ಸಾಹಿತ್ಯ ಕ್ಷೇತ್ರಾಕ ಮಸ್ತ ಇತಲೆ ನಷ್ಟ ಜಾಲಾಂ ಅಶಿಂ, ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ, ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ಕೋಶಾಧ್ಯಕ್ಷ ಶ್ರೀ ಬಿ. ಆರ್. ಭಟ್, ಉಪಾಧ್ಯಕ್ಷ ಜಾಲೆಲೆಂ ಶ್ರೀ ಕುಡ್ಪಿ ಜಗದೀಶ ಶೆಣೈ, ಶ್ರೀ ಗಿಲ್ಬರ್ಟ್ ಡಿಸೋಜಾ, ಶ್ರೀ ವೆಂಕಟೇಶ ಎನ್. ಬಾಳಿಗಾ, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಸಿ.ಎ ಶ್ರೀ ನಂದಗೋಪಾಲ ಶೆಣೈ ಆನಿ ಶ್ರೀ ಬಿ. ಪ್ರಭಾಕರ ಪ್ರಭು, ಶಾಳೆಂತ ಕೊಂಕಣಿ ಶಿಕ್ಷಣಾಚೆ ಮುಖೇಲ ಡಾ| ಕೆ. ಮೋಹನ ಪೈ, ಅಖಿಲ ಭಾರತ ಕೊಂಕಣಿ ಪರಿಷದ್ ಅದಲೆ ಅಧ್ಯಕ್ಷ ಶ್ರೀ ಕೆ. ಗೋಕುಲದಾಸ ಪ್ರಭು, ಕೇರಳ ಕೊಂಕಣಿ ಅಕಾಡೆಮಿ ಅದಲೆ ಅಧ್ಯಕ್ಷ ಶ್ರೀ ಪಯ್ಯನೂರು ರಮೇಶ ಪೈ, ಬೆಂಗಳೂರು ಖ್ಯಾತ ಅನುವಾದಕಿ ಡಾ| ಗೀತಾ ಶೆಣೈ, ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕರ ಆನಿ ಇತರ ಗಣ್ಯಾಂನಿ, ಸಂಘ ಸಂಸ್ಥೆಚೆ ಪದಾಧಿಕಾರಿಂನಿ ಸಂತಾಪ ವ್ಯಕ್ತ ಕೆಲಾಂ.
