ವಿಶ್ವ ಕೊಂಕಣಿ ಕೇಂದ್ರ ಶ್ರೀಮತಿ ವಿಮಲಾ ವಿ. ಪೈ ಜೀವನ ಸಿದ್ಧಿ ಪುರಸ್ಕೃತ ಡಾ| ತಾನಾಜಿ ಹಳರಣಕರ, (ಗೋವಾ) ಅಂತರಲೊ

ಗೊಂಯಚೆ ನಾಮನೆಚೊ ವಿದ್ಯಾ ತಜ್ಞ ಆನಿ ಕೊಂಕಣಿ ಚಳವಳಿಚೊ ನೇತಾರ ಆನಿ 2017 ಇಸವಿ ಪ್ರತಿಷ್ಠಿತ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನಸಿದ್ಧಿ ಪ್ರಶಸ್ತಿ ಪಾವಿಲೊ ಡಾ| ತಾನಾಜಿ ಹಳರಣಕರ ಹಾನ್ನಿ ಆಲ್ಟೊ, ಪಣಜಿ ಗೊಯಾಂತ ತಾಂಗೆಲೆ ಘರಾಂತ ದಿ. 19-10-2020 ತಾರ್ಕೆರ ನಿಧನ ಪಾವಲಿಂತಿ. ಹಾನ್ನಿ ಬಾಯಲ ಆನಿ ದೊಗ ಜನ ಭುರ್ಗೆಂ ಆನಿ ಅಪಾರ ಜನ ಮೋಗಿಂಕ ಸೋಣು ಗೆಲ್ಯಾತಿ.

ಹಾನ್ನಿ 1994 – 1995 ಇಸವಿಂತ ಮಂಗಳೂರಾಂತ ಚಲ್ಲೆಲೆ ಪಯಲೆ ವಿಶ್ವ ಕೊಂಕಣಿ ಸಮ್ಮೇಳನ ಸಂಘಟನ ಕರಚಾಕ ಗೊಯಾಂತ ಸಹಕಾರ ದಿಲೆಲೆಂ. ಆನಿ 2002 ಇಸವಿಂತ ಕೇರಳ ಕಲ್ಲಿಕೋಟೆಂತ ಚಲೆಲೆ ಅಖಿಲ ಭಾರತ ಕೊಂಕಣಿ ಅಧಿವೇಶನಚೊ ಅಧ್ಯಕ್ಷ ಜಾವನ ಆಶಿಲಿಂಚಿ. ತಾನ್ನಿ ಅಪಾರ ಸಾಹಿತ್ಯ ರಚನಾ ಕೆಲ್ಯಾ. ವಿಶ್ವ ಕೊಂಕಣಿ ಕೇಂದ್ರ ಸಾಹಿತ್ಯ ಅಕಾಡೆಮಿ ವತೀನ ಪ್ರಕಟ ಜಾಲೆಲೆ ವಿಶ್ವ ಕೊಂಕಣಿ ಪರಿಚಯ ಕೋಶ  ಭಾಗ – 1 ಆನಿ ಭಾಗ 2 ಪುಸ್ತಕಾಚೆ ಸಂಪಾದಕ ಜಾಲಾಂತಿ.

ಶ್ರೀಯುತ ದಿ. ಡಾ. ತಾನಾಜಿ ಹಳರಣಕರ ಹಾಂಗೆಲೆ ಮರಣ ಕೊಂಕಣಿ ಸಾಹಿತ್ಯ ಆನಿ ಸಾಂಸ್ಕೃತಿಕ ಕ್ಷೇತ್ರಾಂಕ ಅಪಾರ ನಷ್ಟ ಜಾಲಾಂ. ಅಂತರಲಲೆ ತಾಂಗೆಲೊ ದಿವ್ಯ ಆತ್ಮಾಕ ಚಿರಶಾಂತಿ ಮಾಗುನು ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ, ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ಚೆಯರ್‌ಮೆನ ಡಾ| ಪಿ. ದಯಾನಂದ ಪೈ ಉಪಾಧ್ಯಕ್ಷ ಶ್ರೀ ಕುಡ್ಪಿ ಜಗದೀಶ ಶೆಣೈ, ಶ್ರೀ ಗಿಲ್ಬರ್ಟ್ ಡಿಸೋಜಾ ಆನಿ ಶ್ರೀ ವೆಂಕಟೇಶ ಎನ್. ಬಾಳಿಗಾ, ಖಜಾಂಚಿ ಶ್ರೀ ಬಿ. ಆರ್. ಭಟ್, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಸಿ.ಎ. ಶ್ರೀ ನಂದಗೋಪಾಲ ಶೆಣೈ, ಶ್ರೀ ಬಿ. ಪ್ರಭಾಕರ ಪ್ರಭು ಆನಿ ಪದಾಧಿಕಾರಿ ಶ್ರೀ ವಿಲಿಯಂ ಡಿಸೋಜಾ, ಸಿ.ಎ. ಶ್ರೀ ಗಿರಿಧರ ಕಾಮತ, ಶ್ರೀ ಎಂ. ಆರ್. ಕಾಮತ್, ಶಾಳೇಂತ ಕೊಂಕಣಿ ಶಿಕ್ಷಣಾಚೆ ಮುಖ್ಯಸ್ಥ ಡಾ| ಕೆ. ಮೋಹನ ಪೈ, ಅಖಿಲ ಭಾರತ ಕೊಂಕಣಿ ಪರಿಷದ್ ಆದಲೆ ಅಧ್ಯಕ್ಷ ಶ್ರೀ ಕೆ. ಗೋಕುಲದಾಸ ಪ್ರಭು, ಆನಿ ಮಸ್ತ ಸಂಘ ಸಂಸ್ಥೆಚೆ ಪದಾಧಿಕಾರಿನಿಂ ಸಂತಾಪ ವ್ಯಕ್ತಕೆಲಾಂ.